Latviya noqonuniy muhojirlar oqimi bilan kurashish uchun Rossiya bilan chegarada devor qura boshladi

Latviya Rossiya bilan chegarada devor qura boshladi. So‘z mamlakatning sharqiy chegarasi haqida bormoqda. Latviya hukumati to‘siqning qurilishi chegarachilarga noqonuniy muhojirlar oqimi bilan kurashishga yordam beradi deb hisoblamoqda. Bu haqda “Vedomosti” xabar beradi .

Foto: Telegraf

Mamlakat chegarasini qo‘riqlash xizmati rahbari Normund Garbarsning so‘zlariga qaraganda, devor birinchi navbatda eng xavfli va nazorat qilish uchun noqulay deb hisoblangan hududlarda quriladi.
Chegaradan noqonuniy ravishda kontrabandachilar va noqonuniy muhojirlar o‘tib, 2014-yilda 500 dan ortiq huquqbuzarlar qo‘lga olingan edi.
Mahalliy OAVning fikricha, devor qurilishidan foyda bo‘lmaydi, chunki uning har bir kilometridan so‘ng yovvoyi hayvonlarning migratsiyasi uchun 100 metrlik o‘tish yo‘lagining qoldirilishi ko‘zda tutilgan.
Batafsil | Подробно | Read more... Daryo