O‘zbekistonlik Bektemir Meliqo‘ziyev Osiyoning eng yaxshi bokschisi deb topildi

Osiyo boks konfederatsiyasi turli nominatsiyalar bo‘yicha Best of the Asians g‘oliblarini e’lon qildi. Bu haqda UZ24 xabar bermoqda .

Foto: UZ24

Bu yil g‘oliblar 15 nominatsiya bo‘yicha aniqlandi. O‘zbekiston vakillaridan Bektemir Meliqo‘zev eng yaxshi bokschi, Rustam Saidov esa eng yaxshi murabbiy bo‘ldi.
Bektemir Meliqo‘ziyev 2014-yilda Nankinda bo‘lib o‘tgan boks bo‘yicha Jahon chempionatidagi g‘alabasidan so‘ng O‘zbekiston terma jamoasiga tarkibiga kiritildi. U 19 yoshida Bolgariyada o‘tgan Stranj kubogining oltin medalini qo‘lga kiritdi . 2015-yili Dohada o‘tkazilgan jahon chempionatida kumush medaliga sazovor bo‘ldi . Bu orqali u 2016-yilgi Olimpiada o‘yinlarida qatnashish huquqiga ega bo‘ldi.
Rustam Saidov 1999-yilda Toshkentda o‘tkazilgan Osiyo chempionatining oltin medaliga, 2000-yilda Sidneydagi Olimpiada o‘yinlarining bronza medaliga sazovor bo‘lgan. 37 yoshli sobiq bokschi hozirda O‘zbekistonda boks bo‘yicha tajribali murabbiydir. Uning murabbiyligida o‘zbekistonlik bokschilar tomonidan joriy yil Dohada bo‘lib o‘tgan jahon chempionatida 6 ta medal qo‘lga kiritildi.
Batafsil | Подробно | Read more... Daryo