ИШИД Ироқда ўзининг 120 нафар жангарисини хиёнатда айблаб қатл этди

Ироқнинг Найнава вилоятида 31 август, душанба куни «Ироқ ва Шом ислом давлати» террорчилик ташкилотининг 120 дан ортиқ жангариси қатл этилди. Бу ҳақда «Корреспондент.net» хабар бермоқда .

Фото: korrespondent.net

Курдистон Демократик партияси вакили Саид Мамазунийнинг сўзларига кўра, ИШИДнинг ўзи томонидан қатл этилган мазкур жангарилар тўнтаришга ҳамда ташкилот раҳбари Абу Бакр ал-Бағдодийни йўқ қилишга уринишда айбланган.
Мамазунийнинг қайд этишича, тўнтариш 30 август, якшанба куни рўй бериши керак эди. «Бироқ икки кун аввал ҳибсга олинган икки жангари фитначиларнинг режасини фош этиб қўйган», — деди у.
Натижада 122 нафар жангари, хусусан, 18 нафар дала қўмондони Мосул жанубидаги қамоқхонада отиб ташланган. Мамазунийнинг қўшимча қилишича, пул, ҳокимият ва таъсир доираларини деб юз бераётган «ИШИДдаги бўлиниш тобора очиқ кўриниб бормоқда».
Batafsil | Подробно | Read more... Daryo