OAV: Guantanamodagi mahbuslarning bir qismi boshqa davlatlar qamoqxonalariga ko‘chiriladi

AQSh Mudofaa vazirligi Guantanamodagi mahbuslardan 17 nafarining boshqa davlatlar qamoqxonalariga ko‘chirilishini ma’qulladi. Bu haqda The New York Times nashriga tayanib, “Korrespondent.net” xabar beradi .

Foto: AP Photo

Nashrning ma’lum qilishicha, Pentagon rahbari Eshton Karter shu mazmundagi xatni Amerika kongressiga yo‘llagan.
Kongress, o‘z navbatida, Karterga ushbu jarayon boshlanishidan eng kamida 30 kun avval barcha xavfsizlik mezonlarini muvofiqlashtirish zarurligini ma’lum qildi.
Bir nechta davlatlar mahbuslarni o‘z hududiga qabul qilish istagini bildirgan. Ushbu mahbuslarning muvaffaqiyatli ko‘chirilishi natijasida Guantanamodagi mahbuslarning umumiy soni 90 kishigacha qisqaradi.
Batafsil | Подробно | Read more... Daryo