Польшада 300 тонна олтин ортилган зирҳли поезд топилгани тўғрисидаги хабарлар тасдиқланди

Польшада Иккинчи жаҳон уруши йилларига мансуб нацистлар яширган олтин тўла зирҳли поезд топилгани тўғрисида хабарлар ўз тасдиғини топди: георадар ёрдамида олинган суратлар поезд Польшанинг Вальбжих шаҳрида жойлашган Ксенж қалъаси атрофидаги ташландиқ туннелда эканлигидан далолат бермоқда. Бу ҳақда мамлакат маданият вазирининг ўринбосари Петр Жуховский маълум қилди, дея The Telegraph нашрига таяниб, «Tengrinews.kz»  хабар берди .

Фото: EPA

1945 йили чекинаётган нацистлар 300 тонна олтин, қурол-яроғ ва санъат асарлари ортилган 100 метрли поездни Польшанинг Вальбжих шаҳри атрофида яширгани тахмин қилинган, бироқ шу пайтга қадар топилмаган эди. Шу йилнинг август ойи бошида икки нафар хазина изловчи — поляк ва немис шаҳар маъмурларига поезд қаерда жойлашганини билишлари, буни уларга ўлими олдидан  поездни яширишда иштирок этган киши айтганини маълум қилган.

Фото: Getty Images

Улар маъмурлар билан адвокатлари орқали боғланиб турибди ва ўзларига қонун бўйича тегишли бўлган топилган хазина қийматининг 10 фоизи ажратилишини талаб қилмоқда.
Batafsil | Подробно | Read more... Daryo