Россиянинг Хабаровск шаҳридаги гимназияда Россия презиенти Владимир Путин ҳамда КХДР етакчилари Ким Ир Сен ва Ким Чен Ир портретлари билан безатилган рус—корейс дўстлиги синфхонаси очилди. Бу ҳақда Meduza хабар бермоқда .
Фото: vostokmedia.com
Синфнинг 1 сентябрь куни бўлиб ўтган тантанали очилиш маросимида Хабаровск мэри Александр Соколов ва КХДРнинг Узоқ Шарқдаги бош консуллиги маҳаллий идораси раҳбари Мун Хо қатнашди.
Журналистларнинг Хабаровск мактабларида дўстлик синфларининг очилиши Шимолий Корея тарғиботи манбасига айланмайдими, қабилидаги саволига Мун Хо шундай жавоб берди: «Болалар турли воситалар орқали бизнинг ҳаётимиз билан танишишларини хоҳлаймиз. Ҳаққоний борлиққина чучхе ғоялари ҳаётга қанчалик татбиқ этилганини кўрсатиб бера олади. Шунинг учун ҳам ортиқча тушунтиришнинг кераги йўқ, болалар ўзлари кўриб, ўзлари тушуниб олади. Шунинг ўзи етарли».
Фото: vostokmedia.com
«Хона чучхе ғоялари руҳида жиҳозланган: ортиқча ҳеч нарса йўқ. Ташкилотчиларнинг фикрича, энг асосий безак етакчиларнинг портрети бўлиши керак. Нима учундир жаҳондаги энг ёпиқ мамлакатлардан бирининг икки етакчиси ёнига Россия президенти Владимир Путиннинг сурати ҳам қўйилган», — дейилади «Восток-Медиа» хабарида.
Фото: vostokmedia.com
Маълумот учун, Хабаровскдаги илк Россия—КХДР дўстлик синфи 2013 йили очилганди. Синф шаҳардаги 11-мактабда очилган бўлиб, бу ерда маҳаллий ўқувчилар билан бир қатор шимолий кореялик дипломатларнинг фарзандлари ҳам таълим олади.
Batafsil | Подробно | Read more... Daryo
Top News
-
Yuridik shaxslar uchun elektr va gaz iste’moliga oshuvchi koeffitsiyent joriy etilishi mumkin .
Yuridik shaxslar uchun belgilangan limitning 10 foizidan ortig‘i miqdorida gaz yoki elektr energiyasi iste’moli uchun oshuvchi koeffitsiyentlar...
-
Рюдигер: "Агар ғолиб бўлишни истасангиз, "Реал"га ўтинг"
"Реал Мадрид" марказий ҳимоячиси Антонио Рюдигер "қироллик" клубига ўтиши ҳақида гапирди.
-
"Боруссия Дортмунд" сўнгги 10 йилликнинг энг яхши натижасини кўрсатди
Шанба куни Лондондаги "Уэмбли" стадионида Чемпионлар Лигаси финалида "Дортмунд" ва "Реал Мадрид" ўзаро тўқнаш келди ва унда "қироллик клуби"...
-
May oyi uchun inflatsiya darajasi e’lon qilindi .
Iste’mol sektoridagi narxlarning yillik o‘sish darajasi 10,6 foizga yetgan..
-
"Бавария" Дэвис бўйича бир қарорга келди
Журналист Флориан Плеттенберг ижтимоий тармоқларда "Бавария" ҳимоячиси Альфонсо Дэвиснинг келажаги ҳақидаги янгиланган маълумотлари билан бўлишди.
-
Toshkentda 1 iyun kuniga rejalashtirilgan «Tekinga narsa tarqatish» kabi turli aksiyalar to‘xtatildi.
IIV xabariga ko‘ra, Ashxobod bog‘ida yuzaga kelgan tiqilinchda jarohatlanganlar aniqlanmagan, tobi qochganlar haqida ma’lumot kelib tushmagan..