“Gazeta.uz”: O‘zbekiston fuqarolarining eski namunadagi pasportlarini biometrik pasportga almashtirish muddati 2018-yil 1-iyulgacha uzaytirildi

O‘zbekiston fuqarolarining eski namunadagi pasportlarini biometrik pasportlarga almashtirish muddati 2018-yil 1-iyulgacha uzaytirildi. Bu haqda Ichki ishlar vazirligi xorijga chiqish, kelish va fuqarolikni rasmiylashtirish boshqarmasi vakiliga tayanib, “Gazeta.uz” xabar bermoqda .

Foto: “Gazeta.uz”

Mazkur ma’lumot 19-dekabr, shanba kuni Toshkent shahar IIBB xorijga chiqish, kelish va fuqarolikni rasmiylashtirish boshqarmasining ayrim bo‘linmalarida ham tasdiqlangan. “Gazeta.uz” manbasining ma’lum qilishicha, yaqin kunlarda pasport almashtirish muddatining uzaytirilgani haqida rasman e’lon qilinadi.
Ma’lumot uchun, O‘zbekiston Prezidentining 2011-yil 5-yanvardagi “O‘zbekiston Respublikasida pasport tizimini takomillashtirishga doir qo‘shimcha chora-tadbirlar to‘g‘risida”gi farmoniga muvofiq , 2011-yildan fuqarolarga biometrik pasport berilishi boshlangan.
Eslatib o‘tamiz, oldinroq biometrik pasport olish muddati uzaytirilgani haqidagi ovozalar rad etilgani to‘g‘risida xabar berilgandi .
Batafsil | Подробно | Read more... Daryo