Angliyalik ona shifokorlarga yolg‘on gapirib, qizining hayotini saqlab qoldi

“Interesno” nashri qanday qilib onaning sezgirligi tufayli farzand vaqtida o‘lim yoqasidan qaytarib qolingani haqida hikoya qildi .

Foto: “Interesno”

Angliyalik Amanda Devis ikki yoshli qizi bezovta bo‘la boshlaganini sezdi. U kamharakat bo‘lib qolib, onasiga boshi og‘riyotganini aytaverdi. Ona farzandini poliklinikaga olib borganida shifokor vahimali hech narsa yo‘qligi, qizcha biriktiruvchi to‘qimalar displaziyasi — bo‘g‘imlarning gipermobillik sindromidan azob chekayotganini aytdi.
Shifokorlar bo‘g‘imlarning o‘ta yuqori darajadagi harakatchanligi xavfsiz irsiy kasallik ekanligini ta’kidladi, biroq Amanda bunga shubha bilan qaradi, chunki bo‘g‘imlarning gipermobillik sindromi qizning kamharakat bo‘lib qolganinigina izohlaydi, qizchaning boshi nima sababdan og‘rishi esa tushunarsiz qoldi.
Qizni davolovchi shifokor o‘z tashxisiga ishonchi komil edi va qo‘shimcha tahlillar topshirish uchun hech qanday sabab ko‘rmadi. Shu tufayli Amanda qizi zarur tekshiruvdan o‘tkazilishi uchun hiyla ishlatishga qaror qildi.
Uyga kelib, u tez yordamga qo‘ng‘iroq qildi va qizi o‘ynab yurganida boshidan qattiq zarb yeganini, shundan so‘ng u bir necha marta qayt qilganini aytib berdi. Tez yordam ishchilari qizchani kasalxonaga olib ketdi va undagi belgilarga ko‘ra uni tomografiyaga yo‘naltirdi.
Shunda qizchaning miyasida shish borligi aniqlandi. Kasallik ancha keyingi bosqichda bo‘lsa-da, onasining sezgirligi tufayli qizchada davolanish uchun imkoniyat bor edi. To‘rt kundan so‘ng uni operatsiya qilib, shishni olib tashlashdi.
Hozirda qizchaning sog‘lig‘iga hech narsa rahna solgani yo‘q. U tezkorlik bilan tuzalib bormoqda.
Batafsil | Подробно | Read more... Daryo