Gaitidagi saylovlarga norozilik belgisi sifatida o‘tkazilgan tartibsizliklarda bir kishi qurbon bo‘ldi

Gaitida 19-dekabr, shanba kuni yuz bergan tartibsizliklar natijasida bir kishi halok bo‘ldi va bir qancha davlat muassasalariga o‘t qo‘yildi. Tartibsizliklar oktabr oyida bo‘lib o‘tgan prezidentlik va parlament saylovlari natijasidan norozilik belgisi sifatida mamlakat shimoli va janubida o‘tkazildi, deb xabar beradi “TASS”.

Foto: “Riafan.ru”

27 ming kishi istiqomat qiladigan Teryer-Ruj kommunasida 18 yoshli yigit o‘qotar quroldan yaralanib, halok bo‘ldi. 13 ming kishi istiqomat qiladigan Feryer posyolkasida bir nechta saylov idorasi, meriya binosi, bir qancha maktablarga o‘t qo‘yildi. Ko‘chalarda yonayotgan avtomobil pokrishkalaridan barrikadalar qurildi.
Saylov natijalaridan norozilik tufayli Janub departamentida ham tartibsizliklar yuzaga kelgan.
Gaitida siyosiy inqiroz muxolifatning Vaqtinchalik saylov kengashi tomonidan e’lon qilingan prezidentlik va parlament saylovlarining birinchi turi natijasiga shubha bildirganidan keyin boshlandi. Vaqtinchalik saylov kengashi natijalarni tekshirish uchun mustaqil komissiya tuzishdan bosh tortganidan keyin ziddiyatlar kuchaydi.
Gaitida 27-dekabr kuni prezidentlik saylovlarining ikkinchi turi o‘tkazilishi kerak.
Batafsil | Подробно | Read more... Daryo