Toshkentda 2-yo‘nalish bo‘ylab harakatlanuvchi avtobusning qoidabuzar haydovchisiga nisbatan ma’muriy jazo choralari qo‘llanildi. Bu haqda Facebook’dagi “Voditeli Tashkenta (Drivers.uz)” guruhida xabar qoldirilgan .
Kadr: Facebook / “Voditeli Tashkenta (Drivers.uz)”
Guruh a’zosi 15-noyabr kuni avtomobil registratoriga olingan videoyozuvni tarmoqqa joylashtirdi. Unda Osiyo ko‘chasi bo‘ylab harakatlanayotgan davlat raqami 01 651 JAA, yo‘nalish raqami 2 bo‘lgan avtobus, svetoforning taqiqlovchi qizil chirog‘i yongan vaqtda to‘xtash o‘rniga, Yo‘l harakati qoidalariga zid ravishda yo‘lning qarama-qarshi qatnov qismiga chiqib, to‘xtab turgan avtomobillarni quvib o‘tgan va o‘z yo‘lida davom etgan.
Ushbu holatga guvoh bo‘lgan foydalanuvchi Toshkent shahar IIBB Yo‘l harakati xavfsizligi boshqarmasiga murojaat qilgan. Boshqarma javobida qayd etilgan holat yuzasidan surishtiruv olib borilgani, Yo‘l harakati qoidalarini buzgan haydovchi aniqlangani va unga nisbatan ma’muriy choralar qo‘llanilgani ma’lum qilingan.
Foto: Facebook / “Voditeli Tashkenta (Drivers.uz)”
Ma’lumot uchun, O‘zbekiston Ma’muriy javobgarlik to‘g‘risidagi kodeksi 128-4-moddasi 1-qismiga muvofiq, svetoforning taqiqlovchi signaliga bo‘ysunmasdan o‘tish eng kam ish haqining ikki barobari miqdorida (21-dekabr holatiga ko‘ra, 260 480 so‘m), 128-5-moddasi 2-qismiga ko‘ra, yo‘lning qarama-qarshi harakatlanish uchun mo‘ljallangan tomoniga yoki bo‘lagiga yo‘l harakati qoidalarini buzgan holda chiqishi eng kam ish haqining o‘n barobari miqdorida (21-dekabr holatiga ko‘ra, 1 302 400 so‘m) jarima solinishiga sabab bo‘ladi .
Guruhdagi mazkur videoxabar ostida 70 dan ortiq fikr qoldirilgan. Foydalanuvchilarning aksariyati avtobus haydovchisini jiddiy tanqid ostiga olgan, bunday haydovchilar yo‘lovchilar hayotini xavf ostiga qo‘yishini ta’kidlagan.
Poster: The Action Elite
Ayni vaqtda, bir guruh foydalanuvchilar mazkur holatga hazil bilan yondashib, bu Sandra Bullok ishtirokidagi “Tezlik” filmidan lavha ekani, avtobus rulida Sandra Bullokning o‘zi bo‘lganini yozgan.
Batafsil | Подробно | Read more... Daryo
Top News
-
Toshkent shahri havosi yomg‘irdan keyin ifloslanganiga Ekologiya vazirligi izoh berdi.
17 may tongda Toshkent shahri havosi yuqori darajada ifloslanishi yog‘ingarchilikdan keyin hosil bo‘lgan kam miqdordagi tuman, nam havo oqimi kirib...
-
O‘zbekiston va AQSh o‘rtasidagi maxfiy harbiy ma’lumotlar bo‘yicha bitim ma’qullandi.
Qonunda o‘zaro manfaatli ma’lumotlar almashinuvi, beg‘araz harbiy-texnik yordam olish, harbiy texnikalarni to‘g‘ri ekspluatatsiya qilish uchun...
-
Zelenskiy Xarkiv oblastida vaziyat barqarorlashganini ma’lum qildi.
RF qo‘shini so‘nggi hafta davomida frontning mazkur uchastkasida kamida o‘n kilometrga ilgarilagandi..
-
«Haj-2024» mavsumida Uzbekistan Airways 15 mingdan ortiq ziyoratchini Madinaga yetkazadi .
Ziyoratchilarni Saudiya Arabistoniga yetkazish uchun 124 ta charter qatnovini amalga oshirish rejalashtirilgan. .
-
Клопп: "2022 йилги Чемпионлар лигаси финалида Куртуанинг 12 та қўли бор эди"
"Ливерпуль" бош мураббийи Юрген Клопп 2022 йилги Чемпионлар лигаси финал учрашувида жамоаси "Реал"га минимал 0:1 ҳисобида мағлуб бўлганини...
-
Фабрегас: "Гап битта унвон ютишда эмас, уни беш, олти, етти марта ютишда"
Сеск Фабрегас "Арсенал"нинг прогрессив ривожланишидан мамнун.