Afg‘onistonda bo‘lib o‘tgan harbiy operatsiya natijasida 40 nafar jangari yo‘q qilindi

Afg‘oniston xavfsizlik kuchlari tomonidan mamlakatning turli hududlarida olib borilgan harbiy operatsiyalar natijasida, so‘nggi kunlar davomida 40 nafardan ziyod jangari o‘ldirildi. Bu haqda mamlakat mudofaa vazirligining bergan ma’lumotlariga asosan “RIA Novosti” xabar qilmoqda .

Foto: AFP

Ta’kidlanishicha, harbiy operatsiyalar Kunar, G‘azni, Zobul, Badaxshon, Qunduz, Faryob, Gilmand va Faroh viloyatlarida o‘tkazilib, natijada 43 nafar jangari yo‘q qilindi, bir nechtasi yarador bo‘ldi va 9 nafar terrorchi qo‘lga olindi.
Shuningdek, xavfsizlik kuchlari tomonidan qurol-yarog‘ va o‘q-dori topib olinib, musodara qilindi. Bundan tashqari, 12 ta yo‘l minalari zararsizlantirildi.
Vazirlikning tasdiqlashicha, jangarilar bilan bo‘lib o‘tgan to‘qnashuvlar va ularning mamlakat bo‘ylab sodir etgan hujumi davrida to‘rt nafar askar halok bo‘ldi.
Eslatib o‘tamiz, Afg‘onistonda Faryob viloyati gubernatori Said Anvar Saodatning mashinalar korteji “Tolibon” harakati jangarilari pistirmasiga duch kelgan edi .
Batafsil | Подробно | Read more... Daryo