OAV: Kanada Harbiy-havo kuchlari yanglishib Iroq armiyasiga zarba bergan

Iroqda Kanada samolyoti yanglishib El-Falluja shahri yaqinida o‘z ittifoqdoshlariga aviazarba berishi natijasida iroqlik to‘qqiz nafar harbiy halok bo‘ldi. Bu haqda harbiy manbaga tayanib, mahalliy “As-Sumariya” telekanali ma’lum qildi, deb xabar beradi “Korrespondent.net”.

Foto: “Korrespondent.net”

Iroq Mudofaa vaziri Xolid al-Ubaydiy 18-dekabr kuni to‘qqiz nafar iroqlik harbiy xizmatchi AQSh boshchiligidagi koalitsiya bergan aviazarba natijasida halok bo‘lganini tasdiqlagan edi .
“Uch kun oldin El-Falluja yaqinida Iroq armiyasini nishonga olgan xalqaro koalitsiyaning samolyoti Kanadaniki edi, unda kanadalik uchuvchi bo‘lgan”, — dedi harbiy manba.
Uning aniqlik kiritishicha, uchuvchi avvaliga IShID marralariga ikkita raketa uchirgan, bu 40 nafar jangarining halok bo‘lishiga olib kelgan. Uchinchi raketa esa IShID marralariga kirib kelayotgan Iroq armiyasi harbiylariga kelib tushgan.
21-dekabr, dushanba kuni koalitsiya rahbari Stiven Uorren AQSh boshchiligidagi koalitsiya 2014-yil yozida Iroqda IShIDga qarshi harbiy operatsiyalarni boshlagandan beri birinchi marta qayd etilgan bu holat yuzasidan tekshiruv ishlari olib borilayotganini ta’kidlab o‘tgan edi.
Batafsil | Подробно | Read more... Daryo