YuNISEF: Afrikada 1 milliondan ortiq bola terrorchilar tufayli maktabga bormayapti

“Boko Haram” terrorchilik guruhining faollashganligi tufayli Nigeriya va yaqin qo‘shni davlatlarda bir milliondan ortiq bola maktab ta’limini olmayapti. Bu haqda AFP bergan ma’lumotlarga asosan “RIA Novosti” xabar qilmoqda .

Foto: “RIA Novosti”

Nigeriya, Kamerun, Chad va Niger davlatlarida ikki mingdan ziyod maktab yopilib, yuzlab maktablar jangarilarning hujumi ostida qolmoqda.
Nigeriya prezidenti Mohammad Buxariyning farmoyishiga ko‘ra, “Boko Haram” jangarilariga qarshi olib borilayotgan harbiy operatsiyalar oyning oxiriga qadar g‘alaba bilan yakunlanishi kerak.
Birlashgan Millatlar Tashkilotining Bolalar jamg‘armasi (YuNISEF)ning ma’lumotlariga ko‘ra, harbiy operatsiyalar muvaffaqiyatli tarzda tugaganda ham, mamlakat hukumati maktab ta’limotini olmasdan ulg‘aygan bolalar avlodi tufayli yuzaga keladigan ijtimoiy muammolarni bartaraf qilishga to‘g‘ri keladi.
Eslatib o‘tamiz, “Boko Haram” terrorchilik guruhi jangarilarining Nigeriya shimoli-sharqidagi uch qishloqqa uyushtirgan hujumi oqibatida kamida 30 kishi halok bo‘lgan edi .
Batafsil | Подробно | Read more... Daryo