FIFA Mishel Platinining Sport arbitraj sudiga murojaat qilishiga ruxsat bermadi

Xalqaro futbol federatsiyasi (FIFA) Yevropa futbol assotsiatsiyalari ittifoqi (UEFA) rahbari Mishel Platiniga Axloq qo‘mitasi qarori ustidan Lozannadagi Sport arbitraj sudi (CAS)ga murojaat qilishiga ruxsat bermadi. FIFA Platini oldin tashkilotning Apellyatsiya qo‘mitasiga murojaat etishi lozimligini ma’lum qildi, deb xabar beradi “TASS”.

Foto: AP Photo

FIFA Axloq qo‘mitasi 21-dekabr, dushanba kuni Platini va FIFA rahbari Yozef Blatterni futbol faoliyati bilan bog‘liq har qanday ishdan 8 yilga chetlashtirgan edi .
2016-yilning 26-yanvar kuni FIFA saylov qo‘mitasi tashkilot rahbarligiga nomzodlarning qanchalik talabga javob berishi haqida o‘z xulosalarini e’lon qiladi. Platini 26-yanvargacha Axloq qo‘mitasining qarorini bekor qilinishiga erishish uchun Apellyatsiya qo‘mitasini aylanib o‘tib, to‘g‘ridan-to‘g‘ri CAS’ga shikoyat bilan chiqishga tayyorlanayotgandi . Ammo 22-dekabr kuni FIFA Platinining huquqshunoslarini fransuz amaldori faqatgina FIFA apellyatsiya qo‘mitasi qaroridan keyin CAS’ga murojaat qilishi mumkinligi haqida ogohlantirdi.
UEFA rahbarining advokatlari Platinining saylovlarda qatnashishiga FIFA ataylab xalaqit qilmoqda, deb hisoblamoqda.
Batafsil | Подробно | Read more... Daryo