Valyuta prognozchilari 2015-yilda tarixdagi eng yomon ko‘rsatkichni qayd etdi

2015-yilda jahon valyutalari kurslaridagi o‘zgarishlar sur’atini prognoz qilgan tahlilchilar o‘rtacha 11 foiz punktga adashdi. Bloomberg agentligining qayd etishicha, bu prognozlar tuzish boshlagandan buyon eng yomon ko‘rsatkich bo‘ldi. Bu haqda “RBK” xabar beradi .

Foto: “Theoutlook.com.ua”

Jumladan, ko‘pchilik ekspertlar Meksika pesosi va Kanada dollarining mustahkamlanishini kutgandi, biroq ikkala valyuta ham sezilarli ravishda (tegishlicha, 13 va 17 foizga) kuchsizlandi, .
Prognoz qilingan barcha valyutalar orasida devalvatsiyasi 82 foizni tashkil qiladigan Venesuela bolivari va Argentina pesosining kelajagi haqidagi prognozlar to‘g‘ri chiqdi. Argentina pesosining 30 foizga tushib ketishini bashorat qilishgandi va 17-dekabrda uning devalvatsiyasi 35 foizga teng bo‘ldi.
Bloomberg’ning qayd etishicha, 2015-yilgi valyuta prognozlari o‘zini oqlamaganiga xomashyo tovarlarining narxi 16 yillik minimumga tushgani, rivojlanayotgan mamlakatlar bozoridagi pasayish va boshqa omillar sabab bo‘lgan.
Batafsil | Подробно | Read more... Daryo