Britaniyalik astronom 60 yil mobaynida insoniyat koinotda qancha chiqindi to‘plaganini namoyish etdi (video)

Astronom Styuart Grey (Buyuk Britaniya Qirollik jamiyati) insoniyat tomonidan Yer atrofi kengliklarining ifloslantirilishi jarayoni aks ettirilgan bir daqiqalik videolavhani tayyorladi. Bu haqda “Segodnya.ua” xabar bermoqda .

Foto: “Mail.ru”

Bu boradagi birinchilik 1957-yilda Yerning ilk sun’iy yo‘ldoshini uchirgan Sovet Ittifoqiga tegishli: mazkur qurilmani orbitaga olib chiqqan raketa bo‘lagi koinotdagi birinchi chiqindi bo‘lgan. Keyinchalik SSSRdan estafetani Explorer 1 koinot apparatini uchirgan AQSh qabul qilib oldi. Yuriy Gagarinning parvozi (1961-yil) paytiga kelib koinotda inson faoliyati mahsuli bo‘lgan 200 ta chiqindi obyekti to‘plangandi, 1980-yilga kelib ularning soni 500 taga yetdi.
2007-yilgacha Yer obitasida 7000 ta yirik bo‘laklar qayd etilgan. Xitoy tomonidan kinetik to‘p sinovdan o‘tkazilgan va Xitoy metereologik sun’iy yo‘ldoshi urib tushirilganidan so‘ng ushbu ko‘rsatkichga yana 2000 ta qo‘shildi.

Bugungi kunga kelib Yer orbitasida bo‘lgan 20 mingga yaqin koinot qurilmasi parchalari ma’lum. Ular qimmat turadigan sun’iy yo‘ldoshlar va Xalqaro koinot stansiyasiga (XKS) parvoz qilayotgan kemalar uchun jiddiy xavf tug‘diradi.
Batafsil | Подробно | Read more... Daryo