Mino vodiysidagi fojiadan so‘ng Saudiya Arabistoni Haj vazirligi maxsus ko‘rsatma ishlab chiqdi

Saudiya Arabistoni ommaviy axborot vositalarining xabar berishicha, 2015 yilgi Haj mavsumida Mino vodiysida ro‘y bergan mudhish hodisadan so‘ng, Saudiya Arabistoni Haj ishlari vazirligi ziyoratchilarni joylashtirish va ularga xizmat ko‘rsatish bo‘yicha maxsus ko‘rsatma ishlab chiqdi. Bu haqda O‘zbekiston musulmonlari idorasi matbuot xizmati xabar qilmoqda .

Foto: O‘zbekiston musulmonlari idorasi matbuot xizmati

Shuningdek, ziyoratchilarga xizmat ko‘rsatuvchi shirkatlarga ruxsatnoma (litsenziya) berish tartibi yo‘lga qo‘yildi. Unga ko‘ra, har bir shirkat Haj ishlari vazirligi va tegishli idoralardan bir nechta ruxsatnoma olishi lozim.
Agar hojilarni Makka va Madinadagi talabga javob bermaydigan mehmonxonalarga joylashtirish holatlari kuzatilsa, Vazirlik ziyoratchilarni boshqa mehmonxonalarga joylashtiradi va xarajatlar shirkat tomonidan undiriladi.
OAV ma’lumotlariga ko‘ra, 24-sentabr kuni Makka yaqinidagi Mino vodiysida ziyoratchilarning to‘planib qolishi oqibatida yuzaga kelgan tiqilinch tufayli 2100 kishi halok bo‘lgan . O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita hodisa qurbonlari va jabrlanuvchilari orasida O‘zbekiston fuqarolari yo‘qligini ma’lum qilgan .
Batafsil | Подробно | Read more... Daryo