Rossiya TIV AQShning so‘rovi bo‘yicha uchinchi mamlakatlarda 21 nafar rossiyalikning hibsga olinganini qayd etdi

Moskva AQShning so‘rovi bo‘yicha uchinchi mamlakatlarda rossiyaliklarning hibsga olinishiga yo‘l qo‘yib bo‘lmaydi deb hisoblaydi va RF fuqarolarining huquqlarini qat’iy himoya qiladi. Bu haqda RF Tashqi ishlar vazirligining inson huquqlari, demokratiya va huquqning ustunligi masalalari bo‘yicha vakili Konstantin Dolgov ma’lum qildi, deb xabar beradi “TASS”.

Foto: Newstes

“Ayni vaqtdagacha biz Rossiya fuqarolarini uchinchi mamlakatlarda hibsga olish va AQShga ekstraditsiya qilish uchun Amerika hukumati tomonidan 21 ta order berish holatini qayd etdik. Eng oxirgi holat 19-dekabr kuni Finlyandiyada Rossiya fuqarosi Yuriy Yefremov bilan qayd etildi”, — dedi Dolgov.
“Xalqaro huquq normalariga, jumladan 1999-yilda imzolangan jinoiy ishlar bo‘yicha o‘zaro huquqiy yordam to‘g‘risidagi shartnomaga zid bo‘lgan bunday amaliyotga yo‘l qo‘yib bo‘lmaydi. O‘z fuqarolarimizning huquqlarini Rossiya — Amerika liniyalari orqali ham, “uchinchi” mamlakatlar ishtirokidagi ikki tomonlama kanallar orqali ham, bundan tashqari, xalqaro institutlar yordamida qat’iy himoya qilamiz”, — dedi TIV vakili.
Dolgovning qayd etishicha, AQSh qamoqxonalariga tushgan rus fuqarolariga yordam berish ishlari davom ettiriladi.
Batafsil | Подробно | Read more... Daryo