Firibgar “Vneshprombank”da Rossiya TIV tuzilmalarining katta mablag‘i bo‘lgan

Rossiya tashqi ishlar vazirligining eng yirik idoraviy tuzilmalaridan biri — “GlavUpDK” (Diplomatik korpuslarga xizmat ko‘rsatish bosh boshqarmasi) “Vneshprombank” (Tashqi iqtisodiy sanoat banki)da 6 milliard rubldan ziyod mablag‘ saqlagani uchun muammolarga duch kelishi mumkin, deya xabar bermoqda Forbes.

Foto: “RIA Novosti”

“GlavUpDK” Moskvadagi 184 ta diplomatik va boshqa vakolatxonalarga har tomonlama xizmat ko‘rsatilishini ta’minlaydi, shuningdek, turar-joy va ofis obyektlarini ijaraga berish bilan shug‘ullanadi.
Uning ixtiyorida 150 dan oshiq uylar bo‘lib, ularning ko‘pchiligi madaniy meros obyektlari hisoblanadi.
Nashr manbasi fikricha, davlat kompaniyalarining “Vneshprombank”ka katta hajmda mablag‘ qo‘yishi shu bilan bog‘liqki, mansabdorlar undan qo‘shimcha bonuslar olgan.
“Vneshprombank”da o‘tkazilgan tekshiruv natijasida ko‘plab mijozlar hisoblaridan ularning xabarisiz millionlab dollar mablag‘ ko‘chirilgani, ba’zi omonatchilar nomiga esa, hatto, kreditlar rasmiylashtirilgani aniqlandi. 19-dekabr kuni bank prezidenti Larisa Markus qo‘lga olinib, firibgarlik bo‘yicha jinoiy ish doirasida 18-fevralga qadar hibsga yuborildi.
Batafsil | Подробно | Read more... Daryo