Bill Klintonning bolaligi o‘tgan uy olovdan zarar ko‘rdi

AQShda sobiq prezident Bill Klinton bolaligining ilk yillari o‘tgan uyda yong‘in sodir bo‘ldi. Bu haqda “TASS” xabar qilmoqda .

Foto: Seating Chair

Mahalliy politsiyaning ma’lum qilishicha, Arkanzas shtati, Xoup shahridagi ushbu kottejga atayin ravishda olov qo‘yilganligi gumon qilinmoqda.
1917-yilda qurilgan ikki qavatli uy ko‘p yillar davomida AQShning bo‘lg‘usi 42-prezidentining buvasi va buvisiga tegishli bo‘lib kelib, Klintonning onasi anesteziolog bo‘lish uchun o‘qishga ketganligi sababli, bola tarbiyasi bilan ular shug‘ullangan. Klintonning otasi, u tug‘ilishidan uch oy oldin, 1946-yilda halok bo‘lgan. 1994-yildan boshlab, kottej tarixiy yodgorliklar milliy ro‘yxatiga kiritilib, unda ekskursiyalar uyushtirila boshlandi.
“Bu uyda men yurishni va gapirishni, o‘qishni va ibodat qilishni o‘rganganman”, ― degan edi Klinton.
Ta’kidlanishicha, yong‘in oqibatida binoga yetkazilgan zarar jiddiy emas. Bu jinoyatni kim sodir etganligi noma’lum. Politsiyachilar mahalliy aholini so‘roqqa tutgan.
Batafsil | Подробно | Read more... Daryo