Alisher Usmonov Moskvaning “Dinamo” klubi qarzlarini qisman qopladi

Moskvaning “Dinamo” klubi sobiq prezidenti Arkadiy Rotenberg Alisher Usmonovning klubga moddiy yordam ko‘rsatganligini ma’lum qildi. Bu haqda “Sports.ru” xabar qilmoqda .

Foto: “Kommersant”

“Usmonovning ‘Dinamo’ga ko‘rsatgan yordami bir martalik xayriya emas. Uning keyinchalik ham yordam berishi kutilmoqda. U sobiq dinamochi sifatida yordam berdi va bundan keyin ham qo‘llab-quvvatlab turishni niyat qilgan”, ― dedi Rotenberg.
Shuningdek, Rotenbergning ta’kidlashicha, “VTB” banki hozircha mablag‘ ajratgani yo‘q. “Ma’lum bir mexanizmlar mavjud bo‘lib, qarz zayomini bergach, u qaytib olinadi. Doimiy moliyalashtirish yo‘liga o‘tishni rejalashtirish kerak”.
19-dekabrda Rotenberg “Dinamo”ga ko‘rsatilgan beg‘araz moliyaviy yordam tufayli, xokkeychilar oldidagi bir necha oylik qarzdorlikning qoplanganligini ma’lum qildi.
Eslatib o‘tamiz, Milliarder Alisher Usmonov Rossiya futbol ittifoqiga 1 milliard rubl miqdorida beg‘araz moliyaviy yordam ko‘rsatgan edi .
Batafsil | Подробно | Read more... Daryo