Turkiya bosh vaziri kurdparast partiya bilan uchrashishdan bosh tortdi

Turkiya bosh vaziri Ahmet Davuto‘g‘li kurdlar tarafdori bo‘lgan Xalq-demokratik partiyasi bilan 26-dekabr, shanba kunga rejalashtirilgan uchrashuvni bekor qildi, deb yozadi “Vedomosti”. Uning aytishicha, ushbu partiya siyosati zo‘ravonlikdan faqat naf ko‘radi.

Foto: “Vedomosti”

Bosh vazir bo‘lg‘usi konstitutsiyaviy islohotni muhokama qilish uchun parlamentning uchta muxolifat partiyasi yetakchilari bilan uchrashishi kerak edi.
“Xalq-demokratik partiyasi vakillarining so‘nggi bayonotlari shuni bildiradiki, uning siyoati zo‘ravonlik va keskinlikdan faqat naf ko‘radi. Bunday munosabat bo‘lar ekan, muzokaralar o‘tkazishdan endi ma’ni yo‘q”, — deyiladi Davuto‘g‘li bayonotida.
Nashr eslatishicha, Turkiya armiyasi va politsiya kuchlari mamlakatning kurdlar yashaydigan janubi-sharqiy qismida maxsus operatsiyalar o‘tkazmoqda.
Batafsil | Подробно | Read more... Daryo