“Real” prezidenti Mourinyoga shartnoma taklif qildi

“Real” prezidenti Florentino Peres “Chelsi”ning sobiq bosh murabbiyi Joze Mourinyoga shartnoma taklif qildi, deb xabar beradi “Gazeta.ru”.

Foto: ESPN

“Qaymoqranglilar” rahbariyati poytaxt klubi ishonchini yo‘qotgan Rafael Benitesning o‘rnini portugaliyalik mutaxassis darhol egallashini istamoqda.
Biroq Mourinyo hozircha bu taklifni qabul qilishga tayyor emas, chunki u “Manchester Yunayted”ni boshqarishni xohlamoqda. Portugaliyalik murabbiy “qizil iblislar” bilan so‘nggi vaqtlarda ishlari yurishmayotgan Lui van Galning qarorini kutmoqda. Bundan tashqari, Mourinyo Yevro—2016 dan so‘ng Angliya termasini boshqarishga tayyorligi haqida ham ma’lumotlar bor.
Eslatib o‘tamiz, oldinroq Florentino Peres 17-dekabr kuni “Chelsi”dan iste’foga chiqarilgan Joze Mourinyoning “Real”ga qaytishini rad etgandi .
Batafsil | Подробно | Read more... Daryo