Xitoyda J-10 qiruvchi samolyoti halokatiga dvigatelga qush kirib qolgani sabab bo‘lgan

Xitoy Milliy ozodlik armiyasi harbiy-dengiz kuchlarining J-10S qiruvchisi halokatiga samolyot dvigateliga qush kirib qolgani sabab bo‘lgan, deb yozadi “TASS” Xitoyning Sina portaliga tayanib.

Foto: “Novosti VPK”

Samolyot dvigateliga kutilmaganda qush kirib qolgan, natijada kuch qurilmasi ishlashdan to‘xtagan. Bu paytda samolyot yoqilg‘i bakida 2 tonnaga yaqin yonilg‘i, bortda esa 200 tacha o‘q-dori bo‘lgan.
Favqulodda vaziyat yuzaga kelgach, 23 soniya davomida uchuvchilar dvigatelni qaytadan ishga tushirishga bir necha marta urinib ko‘rdi, ular muvaffaqiyatsiz bo‘lgach, qulayotgan qiruvchini turar-joy inshootlaridan nari olib ketdi va 271 metr balandlikda katapulta qildi.
Ikki o‘rinli o‘quv-jangovar qiruvchi samolyot 17-dekabr kuni Chjeszyan provinsiyasida qulab tushgan, ekipaj muvaffaqiyatli katapulta qilib, jabrlanmagan edi.
Batafsil | Подробно | Read more... Daryo