Sevgilisiga yetish yo‘lida jahonning yarmini velosipedda bosib o‘tgan oshiq hind

Pradyumna Kumar Mahanandia Hindistondagi eng past — hazar qilinadiganlar toifasiga mansub oilada tug‘ilgan. Shunga qaramay, “Interesno”ning yozishicha , yigit rassomlik bobida favqulodda iqtidor sohibi edi va Dehlidagi San’at kollejiga o‘qishga kirishga muvaffaq bo‘ldi.

Foto: “Interesno”

Talabalik yillarida Pradyumna o‘zini mohir portretchi sifatida ko‘rsata oldi, unga nafaqat hamyurtlari, balki ko‘plab chet elliklar ham buyurtma berardi. Shunday buyurtmalardan biri yosh rassom taqdirini o‘zgartirib yubordi — u o‘sha vaqtda Londonda ta’lim olayotgan 19 yoshli shvetsiyalik qiz Sharlotta fon Sledvinning suratini chizishi kerak edi.

Foto: “Interesno”

Hindistonlik usta rassom haqida ko‘p yaxshi fikrlar eshitganidan so‘ng, qiz uzoq yo‘l bosib, birgina surat chizdirish uchun Hindistonga keladi. Pradyumna bir hafta davomida Sharlottaga qarab, uning suratini chizadi. Ikki yoshning yuragida bir-biriga nisbatan muhabbat alanga olishi uchun shugina vaqt yetarli bo‘ldi.

Foto: “Interesno”

Yoshlar o‘ylab o‘tirmay turmush qurishdi. Biroq Sharlotta Shvetsiyaga qaytishga majbur edi, Pradyumnaning o‘qishi esa hali tugamagandi. Yoshlar, tez orada yana ko‘rishishga kelishib, ajralishdi.

Foto: “Interesno”

Sharlotta o‘z suyuklisining moddiy jihatdan imkoniyatlari cheklanganini bilgani holda, yo‘l xarajatlari uchun unga pul taklif qiladi, biroq mag‘rur yigit barchasini o‘zi hal qilishini aytadi. Ayriliq davomida ular tinmay bir-biriga xat yozadi. Oradan uch yil o‘tib, Pradyumna pul yig‘ishni boshlaydi.

Foto: “Interesno”

Uni uzoq yo‘l kutib turgandi, shu sababli ham Pradyumna o‘zining hamma narsasini sotib, velosiped sotib oladi. Bu transport vositasida oshiq rassom besh oy davomida sakkiz mamlakat hududini bosib o‘tadi. Yana ham aniqroq aytganda, Shvetsiyaga yetib borishi uchun Pradyumnaga to‘rt oy va uch hafta kerak bo‘ldi.

Yigit Sharlottaning oldiga yetib borganidan so‘ng, ular boshqa ajrashishmadi. Ular 40 yildan beri birgalikda hayot kechirmoqda, ikki farzandli ham bo‘lishdi. Pradyumna esa Shvetsiyada nafaqat mashhur rassom, balki hind madaniyati elchisiga ham aylandi.
Batafsil | Подробно | Read more... Daryo