Nemsovning o‘ldirilishi haqidagi ishning to‘rt figurantiga yakuniy ayblov e’lon qilindi

Tergov siyosatchi Boris Nemsovning o‘ldirilishi haqidagi ish bo‘yicha Zaur Dadayev, Shadid Gubashev, Xamzat Baxayev va Tamerlan Eskerxanovga nisbatan yakuniy ayblov e’lon qildi, deya xabar bermoqda “TASS”.

Zaur Dadayev. Foto: EPA

Ayblov Rossiya Jinoyat kodeksining 105-moddasi 2-qismining “j” va “z” bandlari (“Shaxslar guruhi tomonidan g‘arazli maqsadda yoki yollanib, avvaldan til biriktirish orqali amalga oshirilgan qotillik”) bo‘yicha e’lon qilindi.
Jinoiy ishning yana bir figuranti — Anzor Gubashevning advokati xizmat safarida bo‘lgani tufayli, unga nisbatan ayb keyinroq qo‘yiladi.
Avvalroq Rossiya Tergov qo‘mitasi Ruslan Muhiddinovni “amalga oshirilgan jinoyatlar buyurtmachisi va tashkilotchisi” deb hisoblashini e’lon qilgan edi . Marhum Boris Nemsov oilasining vakili Vadim Proxorov esa Rossiya Tergov qo‘mitasining siyosatchini o‘ldirishni Ruslan Muhiddinov buyurtma qilgani haqidagi bayonotiga norozilik bildirdi . “Muhiddinov tashkilotchilardan biri hisoblanadi, buning ustiga, u eng pastki bo‘g‘indan. U Ruslan Geremeyevning haydovchisi bo‘lgan. Qotillikni tashkil qilish uchun unda na shaxsiy maqsad, na pul bor”, — dedi advokat.
Batafsil | Подробно | Read more... Daryo