Putin kapitallar amnistiyasini yana yarim yilga uzaytirdi

Rossiya prezidenti Vladimir Putin kapitallar amnistiyasini yana yarim yilga uzaytirish to‘g‘risidagi qonunni imzoladi, deb xabar beradi “RBK”.

Foto: “RIA Novosti”

Hujjatga ko‘ra, kapitallar amnistiyasi 2016-yil 1-iyulga qadar amal qiladi. Hujjat Davlat dumasi tomonidan 22-dekabrda qabul qilingan va Federatsiya Kengashi tomonidan 25-dekabrda ma’qullangan edi.
Gap “Jismoniy shaxslarning banklardagi aktivlar va hisoblarini ixtiyoriy ravishda deklaratsiya qilishi” haqidagi qonun haqida bormoqda. U 2015-yil 1-iyulda kuchga kirgan edi. Unga ko‘ra, rossiyaliklar 31-dekabrga qadar soliq organlariga Rossiyadan tashqaridagi mulki va banklardagi hisoblari haqida ma’lumot berishi kerak edi. Buning evaziga ular jinoiy, ma’muriy va soliqqa oid javobgarlikdan ozod etiladi.
Ammo ushbu imkoniyatdan foydalanishni istaganlar ko‘pchilikni tashkil etmadi. Amnistiyaning dastlabki uch oyida soliq organlariga 150—170 ta ariza kelib tushdi.
Batafsil | Подробно | Read more... Daryo