Oilaviy juftlik Londonda yirik teraktni amalga oshirishni rejalashtirishda aybdor deb topildi

Muhammad Rahmon va uning rafiqasi Sana Ahmed Xon Britaniya poytaxtida yirik teraktni amalga oshirishni rejalashtirishda aybdor deb topildi. Bu haqda “TASS” xabar bermoqda .

Foto: The Telegraph

Ular o‘zlarining aksiyasini 2005-yil 7-iyuldagi voqealarning 10 yilliga arafasida amalga oshirmoqchi bo‘lgan.
25 yoshli Muhammad xudkushga aylanishi lozim edi. 24 yoshli Sananing moliyaviy qo‘llab-quvvatlashi ostida Muhammad Reding shahridagi uyida kuchli bomba yasash uchun kerakli bo‘lgan kimyoviy preparatlarni yig‘gan. U hatto bog‘ida kichik portlash aks etgan holatni tasvirga tushirgan.
Twitter’da Silent Bomber ismi bilan paydo bo‘lgan Muhammad Londondagi qaysi obyektni portlatish to‘g‘risida foydalanuvchilarga murojaat qiladi. Rahmon o‘z niyatini amalga oshirishidan bir necha kun oldin politsiyaning aksilterrorga qarshi bo‘linmasi tomonidan qo‘lga olindi.
Ma’lumot uchun. 2005-yil 7-iyulda to‘rt nafar xudkush London metrosidagi uchta poyezdda va bir yo‘lovchi avtobusida portlovchi qurilmani harakatga keltirgan. Portlashlar natijasida 52 kishi halok bo‘lgan, 700 dan ortiq kishi yaralangan.
Batafsil | Подробно | Read more... Daryo