Pokistonda portlash qurbonlari soni 26 kishiga yetdi

Pokiston shimolida yuz bergan portlash qurbonlari soni 26 kishiga yetdi. Bu haqda DAWN bergan ma’lumotlarga asosan “RIA Novosti” xabar qilmoqda .

Foto: AP Photo

Oldinroq, portlash qurbonlari soni 21 kishiga yetib, 78 kishi yaralanganligi va ulardan 28 nafari og‘ir ahvolda ekanligi ma’lum qilingan edi .
Portlash Ichki ishlar vazirligi qoshidagi fuqarolarni qayd etish va ma’lumotlar bazasi tashkilotining mahalliy bo‘linmasiga tegishli bo‘lgan binoning darvozasi oldida yuz bergan. Portlash vaqtida tashkilotning xodimlari binoda bo‘lgan. Undan tashqari, bino hududida shaxsni tasdiqlovchi guvohnoma olishga kelgan ko‘plab fuqarolar bo‘lgan.
Mardon shahri komissari o‘rinbosari Imron Shayx 26 kishining halok bo‘lganini va 56 kishining, shu jumladan, 10 yoshli qizchaning og‘ir yaralanganligini tasdiqladi.
Politsiyaning ma’lum qilishicha, xudkush 30 yoshdan kattaroq bo‘lgan. U 8—10 kilogramm og‘irligidagi portlovchi modda bo‘lgan nimchani ustiga kiyib olgan.
Terakt bo‘yicha javobgarlikni “Tolibon” harakatiga qarashli bo‘lgan “Jamoat-ul-Axror” guruhi o‘z zimmasiga oldi.
Batafsil | Подробно | Read more... Daryo