IShID Er-Ramadida ushlab turilgan o‘nlab kishilardan “tirik qalqon” sifatida foydalanish niyatida

IShID jangarilari hafta avvalida ozod etilgan Iroqning Er-Ramadi shahri sharqiy dahalarida o‘nlab kishilarni garov tariqasida ushlab turibdi. Bu haqda shahar meriyasi vakili Hamid ad-Dalimiy ma’lum qilgan, deya xabar beradi “TASS”.

Foto: “Vesti”

Dalimiyning ta’kidlashicha, “jangarilar Er-Ramadining sharqiy tumanlarida ko‘plab aholini to‘plagan va garovga olinganlar tariqasida ushlab turgan. Terrorchilar zo‘rlik bilan tutib turilgan o‘nlab odamlardan hukumat qo‘shinlarining shaharning sharqiy qismiga harakatlanishini to‘xtatish uchun ‘tirik qalqon’ sifatida foydalanish niyatida”.
AQSh boshchiligidagi xalqaro koalitsiya qo‘mondonligi rasmiy vakili Stiv Uorrenning bildirishiga ko‘ra, Iroq qo‘shinlari ozod qilgan Er-Ramadi markazi shaharning uchdan bir qismiga to‘g‘ri keladi va shaharda qolgan IShID jangarilari jiddiy xavf tug‘dirishi mumkin.
Batafsil | Подробно | Read more... Daryo