Putin milliy xavfsizlik strategiyasini tasdiqladi

Rossiya prezidenti Vladimir Putin 2015-yilning 31-dekabr kungi farmoni bilan Rossiya Federatsiyasining milliy xavfsizlik strategiyasini tasdiqladi. Bu haqda “Interfaks” xabar beradi .

Foto: “Tiras”

Strategiyada Rossiya AQSh bilan o‘zaro muvofiq keluvchi asoslarda, jumladan iqtisodiy sohada to‘liq hamkorlikni o‘rnatishdan manfaatdor ekanligi qayd etilgan. Shu bilan birga, adolatsiz raqobatning kuchaytirilishi va sanksiyalar Rossiya Federatsiyasi iqtisodiy xavfsizligiga salbiy ta’sir o‘tkazishi ta’kidlandi.
Strategiyada, shuningdek, chuqur ijtimoiy-iqtisodiy inqiroz Ukrainani bevosita Rossiya chegaralaridagi uzoq muddatli beqarorlik o‘chog‘iga aylantirishi ko‘rsatib o‘tilgan.
Rossiya Federatsiyasi milliy xavfsizlik strategiyasida IShID terrorchilik guruhining paydo bo‘lishi terrorizmga qarshi kurashish sohasidagi ikki xil standartli siyosatning natijasi ekanligi qayd etildi. Yaqin Sharqdagi keskin vaziyatning saqlanib qolishi bilan birga Afrika, Janubiy Osiyo va Koreya yarim orolida hech bir davlat hukumati tomonidan nazorat qilinmayotgan hududlarning kengayib ketayotganligi ma’lum qilindi.
Batafsil | Подробно | Read more... Daryo