BMT Xavfsizlik Kengashi o‘z ishini yangi tarkibda boshlaydi

Birlashgan Millatlar Tashkiloti (BMT) Xavfsizlik Kengashi o‘z ishini yangilangan tarkibda boshlab, unga ikki yil muddatga Misr, Senegal, Ukraina va Urugvay muvaqqat a’zo sifatida qo‘shildi. Bu haqda “RIA Novosti” xabar qilmoqda .

Foto: Neptuul

2016-yil yanvar oyi davomida Xavfsizlik Kengashiga Urugvay raislik qiladi.
Xalqaro tinchlik va xavfsizlikni ta’minlash borasida asosiy javobgarlik zimmasida bo‘lgan BMT tizimidagi Xavfsizlik Kengashi 15 ta davlat vakilidan tashkil topgan. Britaniya, Xitoy, Rossiya, AQSh va Fransiya Kengashning doimiy a‘zosi hisoblanadi. Qolgan 10 ta muvaqqat a’zo ikki yil muddatga saylanib, shundan besh nafari har yilda almashtiriladi.
2016 – 2017-yil mobaynida muzokara stolidan joy olayotgan davlatlar tegishincha Iordaniya, Nigeriya, Litva, Chad va Chili davlatlari bilan almashdi. Angola, Venesuela, Ispaniya, Yangi Zelandiya va Malayziya davlatlari esa Xavfsizlik Kengashiga yana bir yil muddatga a’zo bo‘lib qolmoqda.
Batafsil | Подробно | Read more... Daryo