Angliyalik 7 yoshli bola Apple ID parolini yodlab olib, o‘yin uchun 4000 funt sarfladi

Angliyaning Susseks grafligida yetti yoshli bola Jurassic World o‘yinini o‘ynash uchun otasining iPad’ini oldi va o‘yin ichidagi xaridlarga 4000 funt sterling (taxminan 6000 dollar) sarf qildi, deb yozadi “Hi-tech.mail.ru”. Xaridlar amalga oshirilishini tasdiqlash uchun bolakay Apple ID murakkab parolini ham kiritgan.

Foto: “Hi-tech.mail.ru”

Ota dastlab buni qandaydir xatolik deb o‘yladi. Statistika tahlili mablag‘lar 13—18-dekabr kunlari xarjlanganini ko‘rsatdi, o‘g‘il jami 65 ta xaridni amalga oshirgan. Ota o‘g‘li to‘lov ma’lumotlarini Apple ID parolidan foydalanib tasdiqlaganidan hayratga tushdi.
U Apple ko‘mak tizimiga murojaat qilib, vaziyatni tartibga solishni so‘radi. iPad ota-ona nazorati uskunalariga ega bo‘lgani tufayli, kompaniya vakillari pulni qaytarmasligi ham mumkin edi, biroq ular mablag‘ni Apple ID’ga biriktirilgan hisobga o‘n kun ichida yuborishga va’da berdi.
Batafsil | Подробно | Read more... Daryo