2015-yilning eng shov-shuvli rebrendinglari

2015-yil bir qator, xususan, Google, Sbarro va Johnnie Walker kabi jahonga mashhur brendlarning rebrendingi bilan yodda qoldi, deya xabar bermoqda “Gazeta.ru”.

Foto: Business Insider / “Daryo”

2015-yil yakunlariga ko‘ra, yangilangan jahon brendlari o‘nligini tayyorlagan Business Insider nashrining qayd etishicha, yangi logotip ko‘hna brendga yangi hayot bag‘ishlashi mumkin.
10-o‘rin: International House of Pancakes (IHOP)

Foto: Business Insider / “Daryo”

AQShdagi oilaviy nonushtalarga ixtisoslashgan restoranlar tarmog‘i. Mazkur tarmoq o‘z quymoqlari va omletlari bilan mijozlar mehrini qozongan. Tarmoqning AQSh va Kanadada 1,5 mingdan ortiq shoxobchalari bor. 2012-yili Dubayda ham ochilgan.
9-o‘rin: OpenTable

Foto: Business Insider / “Daryo”

AQShdagi 31 mingdan ortiq restoranlarda joy band qilish imkonini beruvchi, 1998-yilda asos solingan onlayn servis.
8-o‘rin: Turner

Foto: Business Insider / “Daryo”

Amerikadagi kabel mediakonglomerati, Time Warner kompaniyasi tarkibiga kiradi. Kompaniya CNN, HLN, TBS, TNT, Cartoon Network va boshqa shu kabi AQShning yirik telekanallariga egalik qiladi.
7-o‘rin: Sbarro

Foto: Business Insider / “Daryo”

Asosan Italiya va Amerika milliy taomlariga ixtisoslashgan pitsseriyalar tarmog‘i.
6-o‘rin: Emerald Nuts

Foto: Business Insider / “Daryo”

Diamond Foods kompaniyasining yong‘oq asosidagi ermak yeguliklarni ishlab chiqarishga ixtisoslashgan bo‘linmasi.
5-o‘rin: Ritz-Carlton

Foto: Business Insider / “Daryo”

Lyuks toifasidagi mehmonxonalarning xalqaro tarmog‘i. Tarmoq jahondagi eng yirik mehmonxona xoldingi — Marriott International’ning shu’basi hisoblangan Ritz-Carlton Hotel Company tomonidan boshqariladi.
4-o‘rin: Google Ventures

Foto: Business Insider / “Daryo”

Alphabet (sobiq Google)ning investitsiyaviy bo‘linmasi. Kompaniya investitsiyalar bozorini o‘rganib boradi va qaysi startaplarga sarmoya kiritish borasida qaror qabul qiladi.
3-o‘rin: Johnnie Walker

Foto: Business Insider / “Daryo”

Diageo’ga tegishli va butun jahonga mashhur viski brendi. Kompaniya Red Label, Black Label, Blue Label kabi nomlar ostida viskilar ishlab chiqaradi.
2-o‘rin: Spike

Foto: Business Insider / “Daryo”

Amerikadagi kabel telekanali, Viacom mediaxoldingi tarkibiga kiradi. Asosan ko‘ngilochar dasturlar namoyishiga ixtisoslashgan
1-o‘rin: Google

Foto: Business Insider / “Daryo”

Yilning eng yaxshi rebrendingi — Google Inc.’ni alohida ta’riflash, tanishtirish shart emas. Kompaniyaning avvalgi logotipi 17 yil davomida xizmat qildi.
Batafsil | Подробно | Read more... Daryo