Sukerberg yil oxirigacha uy yumushlarida yordam beradigan sun’iy intellektni yaratmoqchi

Facebook asoschisi va rahbari Mark Sukerberg joriy yil davomida sun’iy intellektga asoslangan kompyuter tizimini yaratmoqchi, u unga o‘z uyini boshqarishda yordam berishini ko‘zda tutmoqda, deb yozadi “TASS”.

Foto: EPA

Facebook’dagi sahifasida milliarder 2016-yil uchun shaxsiy maqsadi “uyni boshqarishda va ishda yordam beradigan oddiy sun’iy intellekt yaratish” ekanligini yozdi.
“Men ushbu sohada qanday texnologiyalar mavjud ekanligini o‘rganishdan boshlamoqchiman. So‘ng uni ovozimni tushunishga o‘rgataman, shu tariqa, uydagi barcha narsa: musiqa, chiroq, harorat kabilarni boshqarish mumkin bo‘ladi”, — deya qayd etdi u.
Sukerbergning so‘zlariga ko‘ra, yangi dasturiy ta’minot funksiyalari qatoriga qizi Maksning xonasida hamma narsa joyida ekanligini tekshirish, shuningdek, kompaniya boshqaruviga tegishli ma’lumotlarni yanada aniq-ravshan taqdim etish kiradi.
Batafsil | Подробно | Read more... Daryo