Путин Сочидаги машғулот вақтида 40 долларлик кроссовка ва 1,4 минг долларлик спорт иштони кийгани маълум бўлди

Россия президенти Владимир Путин ва бош вазир Дмитрий Медведевнинг Сочида биргаликда ўтказган  машғулоти интернетда фаол муҳокамаларга сабаб бўлди. «Sports.ru»нинг қайд этилишича , блогерлар мамлакат етакчиларининг машғулот вақтида кийган либослари нархини ҳисоблаб чиққан.

Фото: РИА Новости

Хусусан, Дмитрий Медведев машғулотларда қиймати 140 долларга тенг Nike Air Max кроссовкаларида шуғулланган. Путиннинг оёғида эса Россиянинг Forward бренди томонидан тайёрланган 2,7 минг рубллик (2 сентябрдаги курс бўйича тахминан 40 доллар) спорт пойабзали бўлган.
Спорт иштони масаласида эса Путин хорижий компанияга ишонч билдирган — машғулотлар вақтида у Loro Piana’нинг ипак ва кашмири аралашувидан ташкил топган, нархи 95 минг рубль (тахминан 1,4 минг доллар) бўлган шим кийган. Мазкур спорт иштони устидаги курткаси билан бирга 215 минг рубль (тахминан 3,2 минг доллар) туради.
Batafsil | Подробно | Read more... Daryo