“Gazprom” rahbari 2016-yilda O‘zbekistondan xarid qilinadigan gaz hajmi oshishini tasdiqladi

“Gazprom” 2016-yildan boshlab O‘zbekiston gazini xarid qilish hajmini oshiradi. Bu haqda Rossiyaning gaz xoldingi boshqaruvi raisi Aleksey Miller jurnalistlarga ma’lum qildi, deb xabar beradi “TASS”.

Foto: “TASS”

“Ha, tasdiqlayman. Biz o‘zbekistonlik do‘stlarimiz bilan muzokaralarda erishilgan natijalarni yuqori baholaymiz. O‘zbekiston — gaz sohasida bizning ishonchli sherigimiz va biz o‘zaro manfaatli hamkorligimizni bundan buyon ham rivojlantirishda davom etamiz”, — dedi u.
Oldinroq “Gazprom”dagi manba Rossiya 2016-yilda O‘zbekistondan xarid qiladigan gaz hajmi Turkmaniston o‘tgan yili yetkazib berganiga (3,1 milliard kub metr) nisbatan ko‘p bo‘lishini ma’lum qilgandi . Ma’lumot uchun, O‘zbekiston gaz qazib oluvchi dunyodagi eng yirik davlatlar o‘nligiga kiradi (yiliga 63—65 milliard kub metr gaz), MDH davlatlari orasida esa uchinchi o‘rinni egallaydi.
Eslatib o‘tamiz, oldinroq “Gazprom” 2016-yilda Turkmaniston gazini xarid qilishdan bosh tortgani haqida xabar berilgandi .
Batafsil | Подробно | Read more... Daryo