Shahzoda Ali FIFA milliy uyushmalariga ko‘rsatiladigan moliyaviy yordamni 1 mlrd dollarga oshirishini ma’lum qildi

Xalqaro futbol federatsiyasi (FIFA)ning 209 ta milliy uyushmasiga ko‘rsatiladigan 250 ming dollar miqdoridagi bir yillik moliyaviy yordam 1 milliard dollargacha oshirilishi mumkin. Bu haqda FIFA prezidenti lavozimiga nomzodini qo‘ygan Iordaniya shahzodasi Ali bin Al-Husaynning saylovoldi dasturida keltirilgan ma’lumotlarga tayanib “TASS” xabar qilmoqda .

Foto: “TASS”

Shahzodaning ma’lum qilishicha, xalqaro futbol uyushmalari FIFAning haqiqiy kuchi hisoblanadi.
FIFAning yangi prezidenti saylovlari 2016-yil 26-fevralda bo‘lib o‘tadi.
Shahzoda Alidan tashqari, prezidentlik lavozimi uchun FIFA bosh kotibining sobiq o‘rinbosari, fransuz Jerom Shampan, Nelson Mandellaning safdoshi, JAR uy-joy qurilish sobiq vaziri Tokio Seksvale, Osiyo futbol konfederatsiyasi prezidenti shayx Salmon bin Ibrohim al-Xalifa va Yevropa futbol assotsiatsiyalari ittifoqi (UEFA) bosh kotibi Janni Infantino kurashadi.
Eslatib o‘tamiz, nomzodlardan biri, shayx Salmon bin Ibrohim al-Xalifa mazkur lavozimga saylangan taqdirda maoshidan voz kechishini ma’lum qilgan .
Batafsil | Подробно | Read more... Daryo