Daraxtlarda qurilgan g‘aroyib 16 uy

Har birimiz bolalagimizda hammadan yashirinib olsa va o‘z sirlarimizni berkitib qo‘ysa bo‘ladigan joyimiz, biror chaylamiz bo‘lishini istaganmiz, deb yozadi TravelAsk.
Ba’zilar katta bo‘lganidan keyin ham shunday joylarda istiqomat qilishni xohlaydi. Quyida daraxtlarga uy qurishning 16 ajoyib namunasini tomosha qilishingiz mumkin.
“Uch hikoya” uyi (Kanada)

Foto: TravelAsk

Britaniya Kolumbiyasidagi baland daraxtda bir emas, birdaniga uchta uy qurilgan. Bu uylarni Revelstok shahri yaqinidan topasiz.
Ko‘zgu-uy (Shvetsiya)

Foto: TravelAsk

Qariyb ko‘rinmaydigan va yashirin joy vazifasini ajoyib tarzda o‘taydigan Ko‘zgu-uy — Tree Hotel mehmonxonasining Shvetsiya shimolidagi loyihasidir. Loyiha Tham & Videgard kompaniyasi tomonidan ishlab chiqilgan.
Daraxtdagi in-uy (Shvetsiya)

Foto: TravelAsk

Bu uy ham Tree Hotel loyihasining bir qismi. Tashqi tomondan katta qushning iniga o‘xshasa, ichi odatiy mehmonxona xonasining o‘zi.
Daraxtdagi loft (Uistler, Kanada)

Foto: TravelAsk

26 yoshida nafaqaga chiqqanidan so‘ng, Joel Allen duradgorlik bilan shug‘ullandi va o‘z orzusiga yetdi — u qurgan uy xalqaro dizayn jurnalida ham e’tirof etilgan.
Muskok ko‘li bo‘yidagi daraxtga qurilgan uy (Ontario, Kanada)

Foto: TravelAsk

Lukash Kos tomonidan ishlab chiqilgan uy yapon fonarini yodga soladi.
Vazir uyi (Krossvill, Tennessi, AQSh)

Foto: TravelAsk

Bu daraxtlarda qurilgan eng katta uydir. Vazir Goratsiy Berjess uy qurishni 1993-yilda boshlagan bo‘lib, hali ham tugatmagan.
Yellow Treehouse restorani (Oklend, Yangi Zelandiya)

Foto: TravelAsk

Bu restoran sizga ajoyib tushlik taklif qiladi va bir vaqtning o‘zida 18 mehmonni qabul qilishga qodir.
Sietldagi daraxtga qurilgan uy (AQSh)

Foto: TravelAsk

Sietldagi ertaknamo uylardan biri. Bu yerda sehrli muhitga tushish istagida bo‘lganlar uchun olti xona bor.
Erkin ruh sferasi (Kanada)

Foto: TravelAsk

Arxitektor Takashi Kobayashining daraxtdagi uyi (Yaponiya)
Daraxtdagi kottej (Gent, Belgiya)

Foto: TravelAsk

Belgiyadagi bu uy TRACK: A Contemporary City Conversion badiiy festivali uchun qurilgan. U orqa fonda turgan uyning kichiklashtirilgan ko‘rinishidir.
Qushlar va odamlar uchun daraxtda qurilgan uy (Yaponiya)

Foto: TravelAsk

Nendo kompaniyasi tomonidan qurilgan uyning bir qismida odamlar, ikkinchisida esa qushlar yashaydi.
Bellavista (Kosta-Rika)

Foto: TravelAsk

Bu Kosta-Rikadagi daraxtlarga qurilgan ekologik toza qishloqlarning bir qismi. U 600 akr maydonni egallaydi.
Daraxtdagi samolyot-uy (Kosta-Rika)

Foto: TravelAsk

Bu Boeing 727 samolyoti Joan Asseri tomonidan 2 million dollar evaziga daraxtda prezident lyuks xonasini qurish maqsadida sotib olingan.
Choy uyi (Yamanasi, Yaponiya)

Foto: TravelAsk

Bu uy yaponiyalik arxitektor Terunobu Fuximori tomonidan qurilgan.
Daraxtdagi NUJ-uy (Shvetsiya)

Foto: TravelAsk

Shvetsiyaning Tree Hotel mehmonxonasi otellar qurishda yangi yo‘ldan yurishga qaror qildi. In-uy va Ko‘zgu-uydan so‘ng ular o‘zga sayyoraliklar kemasini bunyod etishdi.
Batafsil | Подробно | Read more... Daryo