“UyBor.uz” portali Toshkent shahridagi kvartiralarning dekabr oyidagi ijarasiga oid ma’lumotlarni keltirdi

2015-yilning dekabr oyida Toshkent shahridagi xonadonlar ijarasining o‘rtacha narxlari noyabr oyi bilan solishtirganda 5% ga qimmatlashdi va 1 kvadrat metr uchun ijara qiymati 6,9 shartli birlikni tashkil eta boshladi.
Dekabr oyida kvartiralarning ijara haqi shaharning ko‘pgina tumanlarida qimmatlashdi. Xususan, Olmazor va Shayxontohur tumanlarida ijara haqining eng yuqori o‘sish suratlari kuzatildi. Sirg‘ali va Uchtepa tumanlarida esa ijara haqi arzonlashdi.

Foto: “UyBor.uz”

Toshkent shahri bo‘yicha ijaraga beriladigan eng qimmat xonadonlar Mirobod tumanida joylashgan bo‘lib, ushbu hududda 1 kv.m uchun ijara narxi 2015-yilning dekabr oyida 4% ga oshib, 8,3 sh.b. ni tashkil etdi. Ijaraga beriladigan eng arzon kvartiralar esa Toshkent shahrining Sirg‘ali tumanida joylashgan bo‘lib, mazkur hududda kvartiralar ijarasining o‘rtacha 1 kvadrat metri 3,1 sh.b. ni tashkil etmoqda.
Shuni ta’kidlash joizki, tumanlar ichidagi narxlarda ham ancha sezilarli tafovutlar mavjud. Xususan, ijaraga berish uchun taklif etilayotgan xonadonlarning eng qimmatlari Toshkent shahrining Taras Shevchenko va Nukus ko‘chalarida hamda Markaziy Univermag va Oybek metrosi atroflarida joylashgan.

Foto: “UyBor.uz”

Shuningdek, ijaraga berilayotgan xonadonlar soni bo‘yicha Mirobod va Mirzo Ulug‘bek tumanlari yetakchilik qilmoqda, mazkur tumanlar Toshkent shahri bo‘yicha jami ijaraga berilayotgan xonadonlar bo‘yicha taklifning 56 foizini tashkil etmoqda. O‘z navbatida ijaraga berilayotgan xonadonlarning keyingi o‘rinlari Yunosobod (umumiy taklifning 16 foizi) va Yakkasaroy (10 foiz) tumanlariga to‘g‘ri keladi.
Talab nuqtai nazarida, Toshkent shahrida ikki va uch xonali kvartiralarga qiziqish katta bo‘lib, ular jami talabning 60 foizini tashkil etadi.

Foto: “UyBor.uz”

Toshkent shahrida ijaraga berilayotgan xonadonlarning o‘rtacha narxi: 1 xonali kvartiralar uchun 259 sh.b., 2 xonalilari uchun 374 sh.b. ni va 3 xonalilari uchun 628 sh.b. ni tashkil etdi.
Ba’zi tumanlar bo‘yicha kvartiralar ijara narxlari (sh.b. da ko‘rsatilgan)




1 xona
2 xona
3 xona


Mirobod
330
486
777


Yakkasaroy
243
410
653


Mirzo Ulug‘bek
237
331
582


Shayxontohur
177
310
657


Yunusobod
238
333
480


Yashnobod
173
267
515


Toshkent shahri bo‘yicha o‘rtacha narx
259
374
628



Ushbu narxlar tanlangan toifadagi o‘rtacha ko‘rsatkichlardir. 100—150 sh.b. oralig‘ida ijara uchun arzon kvartiralar bo‘yicha takliflar shahar markazidan uzoqdagi Feruza mavzesi, TTZ, Qorasuv, Sirg‘ali hamda Chilonzor va Yunusobod tumanlarining ayrim hududlarida mavjud. Tabiiyki, ijaraga berilayotgan xonadonlar narxlariga kvartiraning qulay joylashuvi va undagi xonalar sonidan tashqari xonadoning umumiy holati, unda mebel va maishiy texnikaning mavjudligi, jamoat transportining yaqinligi kabi qator omillar ta’sir ko‘rsatadi.
Ushbu ma’lumotlar “ UyBor.uz ” portalida ijaraga berilayotgan takliflarining o‘rtacha narx ko‘rsatkichlari asosida tayyorlangan. “ Uybor.uz ” va / yoki “Daryo” nashri ma’muriyati, ushbu hisobot asosida qabul qilingan qarorlar uchun javobgar emas. Ko‘chmas mulk ijarasi masalasida professional maslahatga ega bo‘lish uchun Ko‘chmas mulk agentiklariga murojaat eting.
Reklama huquqi asosida
Batafsil | Подробно | Read more... Daryo