O‘zbekistonning ayrim hududlarida 8-yanvar kuni havo harorati +18 darajagacha ko‘tariladi

O‘zbekistonning ayrim hududlarida 8-yanvar kuni havo harorati +18 darajagacha ko‘tariladi, deya xabar bermoqda “O‘zgidromet” markazi.

Termiz. Foto: uz24.uz

Xabar berishlaricha, 8-yanvar kuni O‘zbekistonning tog‘li hududlarida, shuningdek, Farg‘ona vodiysi viloyatlarida, Toshkent shahri va Toshkent viloyatida yog‘ingarchilik kutiladi, Toshkent shahridan boshqa barcha hududlarda tuman tushishi mumkin.
8-yanvarga o‘tar kechasi O‘zbekistonning tog‘li hududlarida havo harorati -10 daraja, Qoraqalpog‘iston Respublikasi va Xorazm viloyatida -5 darajagacha sovishi kutilmoqda.
8-yanvar kuni kunduzi tog‘li hududlarda +3 darajagacha, Buxoro, Navoiy, Qashqadaryo va Surxondaryo viloyatlarida +18 darajagacha, qolgan hududlarda +10…+13 daraja oralig‘ida iliq bo‘lishi kutilmoqda.
Batafsil | Подробно | Read more... Daryo