Parijdagi politsiya uchastkasiga hujum qilgan shaxsning yonida IShIDning bayrog‘i tushirilgan qog‘oz bo‘lgan

Fransiya poytaxtidagi politsiya uchastkasiga hujum qilgan erkak o‘zi bilan mobil telefon va IShIDning bayrog‘i tushirilgan qog‘oz varag‘ini olib kelgan. Bu haqda Parij prokurori Fransua Molenning bayonotiga tayanib, “RBK” xabar qilmoqda .

Foto: Reuters

Prokuraturaning aniqlik kiritishicha, terrorchilik guruhining bayrog‘ida javob berishni talab qiluvchi arabcha yozuvlar bo‘lgan. Molen Parijda sodir bo‘lgan bu hodisani terrorchilik ruhidagi jinoyat sifatida ko‘rib chiqilishini ma’lum qildi.
7-yanvar kuni ertalab noma’lum shaxs Parijdagi politsiya uchastkasiga bostirib kirishga harakat qildi. Huquqni muhofaza qilish xodimlari uni otib tashladi. OAVda erkakning politsiya ofisiga xudkush kamari bilan kelgani haqida xabarlar chiqqandi, biroq keyinchalik Fransiya IIV bosqinchida soxta xudkush kamari bo‘lganini xabar qildi.
Ushbu hodisa Fransiyada chop etiluvchi Charlie Hebdo jurnali tahririyatiga qilingan hujumga bir yil to‘lgan kunda sodir bo‘ldi.
Eslatib o‘tamiz, 2015-yil 7-yanvar kuni Fransiya poytaxti Parij shahrida joylashgan Charlie Hebdo hajviya jurnali binosida noma’lum shaxslar o‘t ochishi oqibatida 12 kishi halok bo‘lgan edi .
 
Batafsil | Подробно | Read more... Daryo