Sotib olish yoki ijara uchun uy va ofislarni @uybor_bot orqali qidiring!

Ko‘chmas mulkka ixtisoslashgan “ Uybor.uz ” sayti Telegram messenjerida uy-joy qidirish uchun mo‘ljallangan aqlli bot ishlab chiqdi.

Foto: Uybor.uz

Internet va undagi yangidan-yangi servislar odamlar hayotini kundan-kun yengillashtirmoqda. Dastlab faqat saytlar mavjud edi. So‘ng, mobil qurilmalarning ommalashuvi va arzonlashuvi ortidan, mobil dasturlar saytlardan-da muhimroq darajaga chiqdi. Bugun esa Telegram kabi lahzalik xabar almashish xizmatlari orqali foydalanuvchilarga turli qulayliklarni taklif etish kun tartibidagi asosiy masalaga aylandi.
Telegram messenjeri foydalanuvchilarga ham, ishlab chiquvchilarga ham keng imkoniyatlarni taqdim etadi. Foydalanuvchi xilma-xil botlar, kanallar yordamida o‘zini qiziqtirgan axborotni olishi mumkin. O‘z navbatida, ishlab chiquvchilar, dasturchilar esa xuddi shu vositalar yordamida Telegram foydalanuvchilariga xizmatlar va mahsulotlarni taklif qila oladi. “ Uybor.uz ” xizmati ham mazkur imkoniyatdan foydalanib, maxsus bot ishlab chiqdi.
“ Uybor.uz ”ning Telegram’dagi boti foydalanuvchiga hovli, ofis yoki ko‘p qavatli uydan xonadon sotib olish va ijaraga olishda yordam beradi. Buning uchun dastlab Telegram’ning qidiruv qatorida @uybor_bot ’ni topish va unga “Start” buyrug‘ini berish kerak.

Shundan so‘ng bot sizdan so‘raydi: “Sotib olmoqchimisiz yoki ijaraga olmoqchimisiz?”. Keling, bir xonadonni ijaraga olishga urinib ko‘ramiz. Bot bizdan ijaraga olish niyatida bo‘lgan xonadonimizning taxminiy narxi, xonalari soni, qaysi tumanda joylashgani bo‘lishi kerakligi borasidagi ma’lumotlarni so‘raydi.

So‘ralgan ma’lumotlardan faqat bittasini, xohlang barchasini ko‘rsatish mumkin, hech birini ko‘rsatmasangiz, bot xonadon ijarasi bo‘yicha “ Uybor.uz ” saytiga qo‘shilgan so‘nggi beshta e’lonni e’tiboringizga havola qiladi. Tasavvur qilaylik, bizga Toshkentning Chilonzor tumanidan 1 xonali, bir oylik ijara narxi 150 shartli birlikkacha bo‘lgan xonadon kerak.

“Ko‘rsatish” (ruscha “Pokazat”) tugmasini bosganimizdan so‘ng, bot so‘rovimiz bo‘yicha dastlabki beshta natijani chiqarib beradi, agar ko‘rsatilgan e’lonlarning hech biri ma’qul kelmasa, navbatdagi e’lonlarni ko‘rsatishni buyurishimiz mumkin, agar boshqa e’lonlar bo‘lmasa, bot bu haqda sizga axborot beradi. Agar birorta e’lon, unga ilova qilingan fotosuratlar ma’qul kelsa, ijaraga beruvchining aloqa ma’lumotlarini olish uchun bot keltirgan havola orqali “ Uybor.uz ” saytiga o‘tish va ijaraga beruvchi bilan bog‘lanish mumkin.

Telegram’dagi @uybor_bot ’ning qulayligi — so‘rovni mobil telefondan turib osonlik bilan bera olasiz, sizni qiziqtirgan natijalar esa shu zahoti e’tiboringizga havola qilinadi. Eng muhimi, barchasi bepul!
Reklama huquqi asosida
Batafsil | Подробно | Read more... Daryo