O‘zbekistonning tog‘li hududlaridagi qor ko‘chishi xavfi muddati 12-yanvargacha uzaytirildi

O‘zbekistonning tog‘li hududlarida 8—12-yanvar kunlari qor ko‘chishi xavfi bor. Bu haqda “O‘zgidromet” xabar bermoqda .

Foto: “ClimberCA.com”

Xabar berishlaricha, O‘zbekistonning tog‘li hududlarida 9 va 13-yanvar kunlari yog‘ingarchilik kutilmaydi, 10—12-yanvar kunlari vaqti-vaqti bilan yog‘ingarchilik kuzatiladi .
Tog‘li hududlarning ba’zi joylariga tuman tushishi mumkin, shamol soniyasiga 7—12 metr tezlikda esadi, 10—11-yanvar kunlari 15—20 metrgacha kuchayishi mumkin.
9—12-yanvar kunlari tog‘li hududlarda kechasi havo harorati -5…0 daraja sovuqdan -10…-5 daraja sovuqqacha, kunduzi +2…+7 daraja iliqdan -3…+2 darajagacha o‘zgarib turadi.
Avvalroq, O‘zbekistonning tog‘li hududlarida 8-yanvargacha qor ko‘chishi xavfi borligi haqida xabar berilgan edi .
Batafsil | Подробно | Read more... Daryo