Germaniyada muhojirlar tomonidan ayollarga tegajoqlik holatlaridan so‘ng himoya otryadlari paydo bo‘lmoqda

Yangi yil bayrami arafasida Kyolnda (Germaniya) muhojirlar tomonidan ayollarga tegajoqlik qilish holatlari qayd etilgach , mustaqil ravishda ko‘chalarda tartib o‘rnatish istagidagi odamlar guruhi paydo bo‘ldi. Ular ijtimoiy tarmoqlar orqali birlashmoqda, deya xabar beradi “Korrespondent.net”.

Foto: EPA

Facebook’dagi “Dyusseldorf kuzatadi” guruhiga hozigacha 2,3 ming kishi kirgan bo‘lib, guruh asoschilari dam olish kunlari, ommaviy tadbirlar chog‘ida shahar bo‘ylab kezish va favqulodda holatlar ro‘y berganda ayollarga ko‘mak berishni taklif etmoqda.
Politsiyada bu g‘oya qo‘llab-quvvatlanmadi. “Fuqarolarning o‘zini-o‘zi himoya qilish otryadlari qo‘rquv belgisidir. Jamoat tartibini saqlash politsiyaning vazifasi hisoblanadi”, — deya ta’kidlagan Germaniya politsiyachilari kasaba uyushmasi raisi o‘rinbosari Yorg Radek.
Batafsil | Подробно | Read more... Daryo