Yaman hukumati BMT xodimini mamlakatdan quvib chiqarish qarorini bekor qilmoqchi

Yaman hukumati BMTni mamlakatdan Inson huquqlari bo‘yicha BMT oliy komissari boshqarmasi vakili Jorj Abu al-Zulofni haydab chiqarish to‘g‘risidagi buyrug‘ini bekor qilishi haqida xabardor qildi, deb yozadi “TASS” jahon tashkiloti kotibiyatidagi manbasiga tayanib.

Foto: “Indianexpress.com”

“Persona non grata deb e’lon qilish haqidagi qaror rasman bekor qilinishi haqida bizni xabardor etishdi. Agar bu haqiqatan ham amalga oshsa, biz buni qizg‘in ma’qullaymiz”, — dedi u.
7-yanvar kuni arab mamlakati al-Zulofni persona non grata (o‘zi yo‘naltirilgan mamlakat hukumati ishonchini oqlamagan va uni tark etishi kerak bo‘lgan diplomatik vakil) deb e’lon qilgan va BMT “Yamandagi inson huquqlari bilan bog‘liq sohadagi vaziyat haqida yetarli ma’lumotga ega bo‘lmasdan turib, press-reliz va ma’ruzalar chop etishi”ni ta’kidlagan edi.
BMT bosh kotibi Pan Gi Mun hukumat qarorini qoraladi va jahon tashkiloti xodimlari “o‘z ishini qilayotgani uchun tahdid yoki jazo choralariga duchor bo‘lmasligi kerak”ligini qayd etdi. U, shuningdek, Yamandagi BMT xodimlari xavfsizligi yuzasidan xavotir bildirdi.
Batafsil | Подробно | Read more... Daryo