Daniya rasmiylari haddan ortiq mehnatkash talabani mamlakatdan chiqarib yubordi

Orxus universitetining talabasi Marius Yubi haddan ortiq mehnatga berilganligi sababli Daniya rasmiylari tomonidan o‘z yurti Kamerunga deportatsiya qilindi. Bu haqda The Guardian nashri bergan ma’lumotlarga asosan “Korrespondent.net” xabar qilmoqda .

Foto: “Tvmidtvest.dk”

30 yoshli talaba bo‘sh vaqtida farroshlik qilish yo‘li bilan qo‘shimcha pul topib kelib, so‘nggi bir necha oyda hafta davomida ishlash uchun ruxsat berilgan vaqtdan 90 daqiqa ko‘proq vaqt sarflagan. Daniya mehnat qonunchiligi bo‘yicha, xorijiy talabalar haftasiga ko‘pi bilan 15 soat ishlashi mumkin.
Yubi 7-yanvar kuni uyiga uchib ketdi. Orxus universiteti unga nisbatan qo‘llanilgan jazo haddan ortiq keskin ekanligini tan oldi.
Ta’kidlanishicha, Yubi universitetda eng yaxshi tahsil olayotgan talabalardan biri bo‘lgan. Mamlakatdan chiqarib yuborishdan oldin, talabaga imtihon topshirishga ruxsat berildi. Kamerunlik talaba bir kun davomida uchta nazorat ishini yozib tugatib, eng yuqori natija ko‘rsatdi.
Batafsil | Подробно | Read more... Daryo