Oq uy Amerika raketasi xatolik tufayli Kubaga yuborilganligidan tashvishlanmoqda

AQSh ma’muriyati Amerikaning Hellfire raketasi xatolik tufayli Kubaga yuborilganligi haqidagi xabarga o‘ta jiddiy yondashib, ushbu hodisa sabablarini aniqlashtirishni ko‘zlamoqda. Bu haqda Oq uy matbuot kotibi Josh Ernest ma’lumotiga tayanib, “TASS” xabar beradi .

Foto: “TASS”

“Biz bu ishga o‘ta jiddiy munosabat bildiramiz”, — dedi Ernest. U yuzaga kelgan muammo bilan Pentagon va Davlat departamenti shug‘ullanayotganligini ma’lum qildi. Oq uy matbuot kotibining aniqlik kiritishicha, Amerikaning eksport nazorati qonunchiligiga muvofiq, buning uchun qurol-yarog‘larni chet elga yetkazib berish bilan shug‘ullanuvchi kompaniyalar javob berishi lozim.
Raketani tashish bilan Lockheed Martin kompaniyasi shug‘ullangan. The Wall Street Journal nashrining ta’kidlashicha, surishtiruv natijalari bo‘yicha kompaniyaga katta miqdordagi jarima xavf solishi mumkin.
Eslatib o‘tamiz, Amerikaning Yevropadagi mashg‘ulotlarda qatnashish uchun mo‘ljallangan “havo—yer” sinfidagi Hellfire raketasi xatolik tufayli Kubaga yuborilganligi haqida ma’lum qilingan edi.
Batafsil | Подробно | Read more... Daryo