Angola ma’muriyati islomni ta’qiqlab, masjidlarni yopdi

Angola ma’muriyati ikki yil davom etgan muhokamalardan so‘ng islomga e’tiqod qilishga ta’qiq qo‘yilishini uzil-kesil tasdiqladi. Bu haqda “Nur.kz” xabar bermoqda .

Foto: ranchexpert.ru

 
Mamlakat madaniyat vaziri Roza Krus Silvaning ma’lum qilishicha, “islom Angola urf-odatlari va madaniyatiga zid bo‘lgani sababli unga rasmiy maqom berilishini Adliya vazirligi ma’qullamadi. Shu bois faoliyat ko‘rsatayotgan masjidlar ham yopiladi”.
Garchi Angola Konstitutsiyasi vijdon erkinligini kafolatlagan bo‘lsa-da, ma’murlar diniy jamoalar Adliya vazirligida ro‘yxatdan o‘tishni talab qilmoqda. Vazirlikda rasmiy ro‘yxatdan o‘tishga kamida 100 ming kishi e’tiqod qiladigan dinlargina haqli hisoblanadi. Aholisi, asosan, nasroniylardan iborat 16 millionli Angoladagi musulmonlar soni esa 90 mingdan oshmaydi.
Batafsil | Подробно | Read more... Daryo