Samsung “aqlli” kiyim-kechaklarni namoyish etdi (foto)

Samsung kompaniyasi CES 2016 iste’molchilar elektronikasi ko‘rgazmasida qator qurilmalar bilan birga, “aqlli” kiyim-kechaklarni ham taqdim etdi, deb yozadi “Hi-tech.mail.ru”. Ishlab chiqaruvchi, shuningdek, quyosh batareyalari o‘rnatilgan klatch (qo‘lda olib yuriladigan sumkacha)ni namoyish qildi — uning yordamida smartfon, planshet va boshqa gadjetlarni quvvatlantirish mumkin.

Foto: “Hi-tech.mail.ru”

“Aqlli” kiyim-kechaklar The Human Fit brendi ostida chiqariladi. Ular erkaklarning NFC-datchiklariga ega ish kostyumlari, shuningdek, golf va fitnes uchun kiyimlarni o‘z ichiga oladi.

Foto: “Hi-tech.mail.ru”

Ushbu datchiklar potensial mijozlar yoki sheriklar bilan tez axborot almashish imkonini beradi. Sport kiyimlari esa jismoniy faollik ko‘rsatkichlarini kuzatib boruvchi sensorlar, shuningdek, GPS-modullar bilan jihozlangan.

Foto: “Hi-tech.mail.ru”

Yana bir yangilik — Welt “aqlli” kamaridagi datchiklar belni o‘lchaydi, organizm ishining ko‘rsatkichlarini kuzatib, parhez va jismoniy faollik bo‘yicha maslahatlar beradi.

Foto: “Hi-tech.mail.ru”

Ayollar sumkasi olti burchakli quyosh batareyalariga ega bo‘lib, unga Samsung’ning eng katta plansheti ham sig‘adi. Energiya ichki akkumulyatorga to‘planadi. Klatch ichkarisida microUSB quvvat konnektori mavjud.
Batafsil | Подробно | Read more... Daryo